LACI NUK NUK SHKON ME SHUME SE 0-0 ME ADEN

Laçi - Ada 0-0

Laçi: Bakaj, Kastrati (Koliqi 80′), Balla, Sekseri, Sefgjini, Mustafaraj (Hima 70′), Lini, Nimani, Tanushi, Ivanaj, Kola.
Trajner: I.Gjyla.
Ada: Dervishaj, Nika, Tafaj, Kraja, Ferlushkaj (Gjini 70′), Verri, Smakaj, Beqiri, A.Nika, Lleshi, Ndoja. Trajner: K.Krepi.
Gjyqtarë: E.Jorgji, A.Mahmuti, E.Ganxhi (Elbasan)
Karton i verdhë: Kraja

Laçianët, për shkak të disa punimeve në stadiumin e qytetit të tyre, ndeshjen e javës së dytë e kanë luajtur në stadiumin “Tofik Jashari”. Kjo ndeshje, ku Laçi ishte pritës, është mbyllur në barazim, 0-0. Në fakt, pas fitores së ekipit të Gjylës në Librazhd, në javën e parë të kampionatit, pritej një tjetër 3-pikësh për kurbinasit, të konsideruar pretendentë për superligën, por vetëm 1 pikë. Në praninë e një numri të pakët sportdashësish në “Tofik Jashari”, është zhvilluar kjo ndeshje. Loja nis shumë e shpejtë nga të dyja palët, por më tepër iniciativë kanë laçianët, të cilët hidhen në sulm. Kastrati rrezikon i pari në këtë ndeshje, kur godet brenda zonës, por topi, pasi prek shtyllën, përfundon jashtë. Më pas është Balla, i cili gjuan bukur me kokë, por portieri Dervishaj pret në pozicion. Në minutën e 20 të, miqtë e Adës kanë një mundësi të mirë shënimi, por Ndoja, në afërsi të portës laçiane, nuk tregohet i saktë në gjuajtje. Pas 4 minutash laçianët godasin për herë të dytë shtyllën, këtë radhë me anë të Sekserit, i cili, 3 4 metra larg vijës fatale, gjuan me kokë dhe nuk shënon, duke i habitur të gjithë. Pavarësisht epërsisë së laçianëve, pjesa e parë mbyllet në barazim, 0 0. Edhe në pjesën e dytë janë kurbinasit më të rrezikshëm. Në minutën e 50 të, Tanushi kalon mbrojtjen e Adës dhe del para portës, por Dervishi është më i shpejtë dhe ia rrëmben topin nga këmbët në momentin e goditjes. Laçianët sulmojnë me të gjitha forcat, por nuk arrijnë ta gjejnë golin, kurse Ada mbrohet me shumë forca, pasi duket se është e kënaqur me barazimin. Në minutën e 70 të, Laçi ka rastin më të pastër. Në një lëmsh të vërtetë para portës së Adës, godet Tanushi dhe topi prek shtyllën e më pas kthehet në lojë, por edhe Ivanaj, pak metra larg, e dërgon në duart e portierit mik. Shpëton për mrekulli porta e Adës, që në minutën e 75 të shënon një gol, por që vlerësohet i parregullt, për shkak të një pozicioni jashtë loje. Në minutën e 82-të, Nimani, në afërsi të portës, godet bukur me kokë, por përsëri shkëlqen Dervishaj. Minutat e fundit të ndeshjes kalojnë me laçanët të hedhur të gjithë në sulm, por pa rezultat. Portieri Dervishaj duhet veçuar në këtë ndeshje të mbyllur me rrjeta të paprekura, pasi në disa raste u bë shpëtimtari i portës. Të dyja skuadrat ndajnë nga një pikë në këtë 90-minutësh korrekt.

Thanë pas ndeshjes

Ilir Gjyla, trajner i Laçit: “Kishim ardhur për fitore këtu në fushën e Shijakut, por nuk e arritëm atë për disa gabime dhe paqartësi para portës. Kjo na kushtoi humbjen e dy pikëve. Nuk jam i kënaqur me lojën e djemve të mi.”

Kreshnik Krepi, trajner i Adës: “Barazimi na kënaqi. E kishim vlerësuar ndeshjen dhe ishim përgatitur për barazim, gjë që e arritëm.”

marre nga sporti shqiptar