LACI FITON ME TERBUNIN

Fitore të ngushtë arriti Laçi me Turbinën. Në fillim miqtë kanë kaluar përpara,duke shënuar pas një kundërsulmi me Sadikun.Më pas reagimi i vendësve ka qenë i shpejtë dhe në të 37-ën minutë Ivanaj ka barazuar pas një topi të artë nga Lini. Në fund të pjesës së parë kurbinasit gjejnë avantazhin me Tanushin.Nga pika e bardhë,kapiteni ka shënjestruar saktë për një 2-1 të pjesës së parë.Pjesa e dytë nis me sulme të shpejta nga të dy krahët. Në të 67’Akamba ka përfituar nga një gabim trashanik i Doçit dhe ka barazuar. Nuk pajtohen vendësit, që ushtrojnë presion në të gjitha drejtimet. Lima, Nimani,Ivanaj shihen disa herë para portierit Miraka, por goli i fitores do të mbërrinte sërish nga pika e bardhë me të zakonshmin Tanushi. Goditja e kapitenit ka qenë perfekte, duke bërë që entuziazmi në shkallët e stadiumit “Laçi” të ishte i lartë. Trajneri Martini, që e kishte ndeshjen e parë në krye të bardhezinjve u shpreh pas takimit se, ndeshja ishte e mirë,por shkodrani shfaqi rezerva për repartin e mbrojtjes. Homologu Sejdini përgëzoi për atmosferën dhe shpjegoi se Turbina do të jetë e fortë në këtë kampionat.Gjithashtu, tekniku mik u shpreh se në aksionin e golit të tretë, që prodhoi dhe penalltinë,vijërojtësi duhej të sinjalizonte për jashtë loje. Një fitore pa shumë shkëlqim e Laçit, kur e konsideron veten një nga pretendentet e garës së sivjetshme.
LAÇI-TURBINA 3-2
LAÇI: Bakaj, E.Balla, Doçi,
Sefgjini, Xhetani (Vora 89’),
Mustafaraj, Lima, Tanushi,
Lini, Nimani (Kola 53’),
Ivanaj (Rrjolli 90).
Trajner: E.Martini
TURBINA: Miraka, Rada, Baçi,
Bodurri, Suta (Lidsaniku 86’),
Balla, Begolli (Kaptelli 79),
Bejleri, E.Curri, D.Curri (Akamba
65’), Sadiku.
Trajner: A.Sejdini
GOLAT: Ivanaj 37’, Tanushi
44’(11-m), 72’(11-m)/ Sadiku
22’, Akamba 67’
GJYQTARË: A.Beqiri
(Tiranë), S.Zeka, D.Jubnica
(Shkodër)
KARTONË TË VERDHË:
Suta, Rada, D. Curri.
KARTONË TË KUQ: Rada