LAC MUNGESA E VETME ESHTE VETEM TRANJERI

Vijon të qëndrojë zbuluar pankina laçiane. Edhe dje skuadra u stërvit nga Ardian Laska, duke konfirmuar përfundimisht largimin e Ilir Gjylës. Në fakt lushnjari bëri me dije që të hënën se marrëdhënia e tij me klubin bardhezi kishte marr fund. Sekretari Pashk Laska mësohet se ka zyrtarizuar pranimin e kërkesës së Gjylës dhe menjëherë është vënë në kërkim të teknikut të ri. Sipas informacionit që vjen nga laçianët, Pashk Laska dje është takuar me deputetin e zonës, Pal Dajçi dhe arsyeja ka qenë e thjeshtë, konsultë paraprake para se të merret një vendim i prerë. Burimet të brendshme thonë se drejtuesit më të lartë të futbollit në Laç kanë diskutuar mes tyre, jo vetëm për gjendjen kaotike, e cila u krijua pas barazimit me Adën në Shijak, por edhe për disa emra konkretë trajnerësh. Ylber Zani është shprehur se ndihet mjaft komod te Tërbuni, ndërsa lezhjani Vasil Bici ka bërë të ditur se është në tratativa me ekipe të tjera. Kandidatura të tjera që u hodhën në tavolinë ishin edhe ato të Përparim Daiut dhe Petrit Haxhisë. Megjithatë, s’ka asgjë të konkretizuar, çka do të thotë se krerët laçianë janë ende larg emërimit të kreut të stolit. Ndërkohë, skuadra dje kreu provën “gjenerale” në Shënkoll. Ardian Laska, pas disa minutash nxemje i ndau futbollistët në dy grupe në një lojë që zgjati rreth 60 minuta. Braziliani Lima, veterani Xhetani dhe Aaimir Zharkalliu,pritet të luajnë që nga minuta e parë. Të shtunën Laçi do të jetë në Ersekë për t’u ndeshur me Gramozin.

Ardi Hasani marre nga gazeta panorama sport